مجموعات المحله الكشفيه
سجل معنا اذ لم تكن معنا

مجموعات المحله الكشفيه


 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

أهــلا وســـهــــلا بــــكـــم فى الـموقع الـرسـمى لـمجموعات الـمحلة الكشفية بــشكله الجديد بعد ثورة التحرير 25 يناير

تــــــحـــــيـــــة لــشهداء ثورة 25 يناير ثورة تحرير مصر

شاطر | 
 

 امتحان مصر فى اللغه العربيه لعام2060 ( خش وهتضحك من قلبك )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
amir

avatar

ذكر
عدد الرسائل : 46
العمر : 26
علم بلدك :
اللرتبه :
السٌّمعَة : 10
تاريخ التسجيل : 15/05/2009

مُساهمةموضوع: امتحان مصر فى اللغه العربيه لعام2060 ( خش وهتضحك من قلبك )   الخميس يونيو 04, 2009 12:36 pm

السلام عليكم ورحمة الله وبركاته


ياجماعه بما انى زى ما انتوا عارفين ان انا فى كليه اداب قسم عربى
حبيت اقدم لكم الامتحان ده

ده كده بالصلا عالنبي امتحان مصر في اللغة العربية لعام 2060
تم التسريب والتسرسب إن شاء الله

==== بيانات الإمتحان ====

وزارة هنديك بالشبشب
أختبار اللغة العربية
انشاء الله هنشوفك السنة الجاية يا باشا
وقت الاجابة : خلص نفسك و اجري

=====================
اسم الطالب : ناسي البطاقة في البيت يا معلم
نوع الطلب : علمي علمك
عدد الطلبات : طلب واحد شاي
عنوان المنزل (( في حالة الانتحار او الوفاة )) : اول ناصيه على ايدك اليمين
تليفون المنزل : اتنين صفر و اربعه خضر((ههههههههههههههه))

=====================

هذا الامتحان برعاية بيبسى
دلوقتي .. بيبسي الصاروخ بجنيه واحد بس ... هتفضل تغلى لغاية ماتبطلها (( وراك وراك ))

==================================================

ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7).
ملاحظة: عجلة الجاذبية 9.8 ( في حالة انك حبيت تنط من الشباك )
يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))

==================================================

السؤال الأول (20 درجه)

==================================================

قال ريكو في أغنية (( خلي الشعب يعيش )) مايلي :

راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش

==================================================

الأسئله

==================================================

1- اشرح الآبيات الاربعة الاخيرة من النص بما لا يقل عن 90 سطرا باختصار شديد (9 درجات)
2- لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟ (3 درجات)
3- استخرج من البيت الاول محسن ابراهيم و محسن اسماعيل مبيناً نوع كل محسن منهما . (3 درجات)
4- استخرج من البيت الثالث صورتين فوريتين مبينا نوع الكاميرا (3 درجـات)

==================================================

مساحة خالية للإعلان- ت : واحد اتنين .. الجيش العربي فين

==================================================

السؤال الثاني ( 8 درجات )

==================================================

أعط أسباب ما يلي مع شرح وافي :
(( ياعم كبر يا عم بص .. ده حتى بص ده الواد بيلظ ))

==================================================

1- تم نقل السوق المالي إلى سوق السمك ؟ (2 درجه)
2- إقبال الناس الى شراء نوكيا 9990 و عدم شراء نوكيا 9900 ؟ (2 درجه)
3- إغلاق شبكة الأخبار Pnn بعد زواج شارون ستون ؟ (2 درجه)
4- أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ (2 درجه)

==================================================

*** أخي الممتحن أقلب الصفحة: والله لتندم عالساعة اللي دخلت فيها المدرسة ***

==================================================

السؤال الثالث –اختياري- (5 درجات)

==================================================

اكتب الاسم المستوفى من السؤال
ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟
( ورد ذكر اسم هذا الرجل في اكثر من مسلسل تليفزيوني )؟ (5 درجات)

==================================================

فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))

==================================================

السؤال الرابع (8 درجات)

==================================================

ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :
" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "

الأسئلة
1-ماذا كان يريد ان يقول عمرو دياب للمزة ؟ (4 درجـات)
2- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ (2 درجه)
3- ما اسم صبي الخياط بتاع ام الموديل اللي كانت مع عمرو في الكليب ؟ (2 درجه)

==================================================

السؤال الخامس (20 درجه)

==================================================

موضوع تعبير
قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "

أكتب نبذه عن حياة ابو حسن زعبولا (( الحاج زعبولا )) و اذكر 3 اسباب عن سبب انفصال الحاجة زعبولا عن هندامة (( زوجته الاولى )) (20 درجه)

==================================================

راندا كولا
المشروب الرسمي لهذا الامتحان

==================================================

*** أخي الممتحن أقلب الصفحة أحسنلك (( اصلك مش عارف اللي فيها )) ***

==================================================

السؤال السادس ( 19 درجه )

==================================================

اجب عن أربعة فقط من الأسئلة التالية

1- ما رأيك بتصرفات " رفيع " و " فرحة " في مسلسل الضوء الشارد ؟ (5 درجـــات)
مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو )
2- ما رأيك بموقف "حسام" من "سرية" في مسلسل الحقيقة و السراب ؟ (5 درجـات)
3- من برأيك أقوى وأفضل بوكيمون - هل هو – بيكاتشو ؟؟؟ (5 درجات)
4 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد
في كأس العالم الأخيرة في كوريا و اليابان 2002. (4 درجات )

==================================================

عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً

==================================================

سؤال المساعدة ( مستوى رفيع) ( 20 درجه)
و ملهوش لازمة اساساً

==================================================

أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية
ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء

==================================================

انتهت الاسئلة و نلقاكم في امتحان الدور التاني انشاء الله
ربنا يعينكم علينا



عايز أقول من الموضوع ده إن التعليم في مصر عمره ما هيتعدل
وعلى راي عمي الحاج سعد لما قال لصفية (مافيش فايدة) المنحوس منحوس






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ق. مودى

avatar

ذكر
عدد الرسائل : 218
رقم العضوية : 4
نوع الرتبه : قائد كشافه
مجموعتك الكشفيه : مجموعة المحله الكشفيه
السٌّمعَة : -1
تاريخ التسجيل : 20/02/2009

مُساهمةموضوع: رد: امتحان مصر فى اللغه العربيه لعام2060 ( خش وهتضحك من قلبك )   الخميس يونيو 04, 2009 4:46 pm

تسلم ايدك يانور بجد جامدة جدا

واله جامدة جدا

بجد انا مبطلتش ضحك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
amir

avatar

ذكر
عدد الرسائل : 46
العمر : 26
علم بلدك :
اللرتبه :
السٌّمعَة : 10
تاريخ التسجيل : 15/05/2009

مُساهمةموضوع: رد: امتحان مصر فى اللغه العربيه لعام2060 ( خش وهتضحك من قلبك )   الخميس يونيو 04, 2009 5:29 pm

الله يخليك يا عمورا
ان شاء الله كله من ده
اما انا لغه عربيه بقى
استحملونى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
amir

avatar

ذكر
عدد الرسائل : 46
العمر : 26
علم بلدك :
اللرتبه :
السٌّمعَة : 10
تاريخ التسجيل : 15/05/2009

مُساهمةموضوع: رد: امتحان مصر فى اللغه العربيه لعام2060 ( خش وهتضحك من قلبك )   الخميس يونيو 04, 2009 5:37 pm

كله يعمل حسابه الامتحان ده انا هبقى احطه
لما ابقى موجه اول لغه عربيه على مستوى الجمهوريه انشاء الله
ترقبــــــــــــــــــــــــــــــــــــــــــــــــــــــــــــــــــــــــــــــــــــــوا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
امتحان مصر فى اللغه العربيه لعام2060 ( خش وهتضحك من قلبك )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مجموعات المحله الكشفيه :: الركن الترفيهى :: نكت والغاز-
انتقل الى: