amir
عدد الرسائل : 46 العمر : 32 علم بلدك : اللرتبه : السٌّمعَة : 10 تاريخ التسجيل : 15/05/2009
| موضوع: خمسه رخاااااااااااااامه الإثنين يونيو 08, 2009 7:04 pm | |
| في أسئلة بديهية مالهاش اي لزمة في الدنيا بنتعرّض ليها كل يوم من كل الناس
خلونا نشوف أمثلة
*********** إنت في أوضتك .. على السرير وطافي النور ومتغطي ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟
(( أظن ده مش وضع الرقص !!! واضح ان انا هنام ))
*********** انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتواااااااااااااااا ؟
(( لا لسه )) *********** والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه
(( !!! لاء دانا لسه راجع ))
********** أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟ يقولك : انت رايح الشغل يابيه ؟
(( لا.. العربية واحشاني ))
*********** مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟ (( لا.. بتفرّج عليه ))
*********** مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟ (( تقوم رامي الكتاب و تقوله لااااااااء ))
*********** ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟
(( لاء.. هفرطها و أسلقها )) *********** ولاّ تعالو شوفو قنواتنا واسئلتهم البديهية البايخة برنامج اهداءات يتصل واحد يطلب أغنيه ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟
(( لاء.. طالبها اخنق على نفسي ))
*********** أو مثلا في العيد
المذيع : هههههه هههههههه هههههه نتعرّف بيك المواطن : فلان الفلاني المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه المواطن : أقولهم كل عام وأنتم بخير
(( أكيد يعني مش هيقولهم البقاء لله ))
*********** ,,,المذيعة الظريفة : وياترى بقى هتعملوا ايه العيد ده هتقضوه ازاي ؟ أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين
(( سبتيله ايه يقوله يارخمة ؟ ))
*********** والأسخف بقى ... الشلل الكبير.. لما المذيعين يكلّموا الاطفال يقول المذيع للطفل : إنت بتحب ماما وبابا ؟ (( يعني أساسي الواد لسه ما طلعلوش عرق الندالة علشان يقول لأ )) | |
|
haloola
عدد الرسائل : 291 المزاج : الحمد لله علم بلدك : رقم العضوية : 2 مجموعتك الكشفيه : مجموعة المحلة الكشفية اللرتبه : السٌّمعَة : 6 تاريخ التسجيل : 10/02/2009
| موضوع: رد: خمسه رخاااااااااااااامه الثلاثاء يونيو 09, 2009 1:55 pm | |
| هههههههههههه لا حلوه شوية رخامه موجودين فعلا فى حياتنا بس ده طبع الناس عشان تقر | |
|
احمد محمد ابو حشيش
عدد الرسائل : 49 العمر : 30 المزاج : عال علم بلدك : رقم العضوية : 14 نوع الرتبه : عريف اول فرقة الكشافه مجموعتك الكشفيه : مجموعات المحله الكشفيه الشارات : المسعف اللرتبه : السٌّمعَة : 0 تاريخ التسجيل : 14/03/2009
| موضوع: رد: خمسه رخاااااااااااااامه الثلاثاء يونيو 09, 2009 2:55 pm | |
| جامده والله يا نور جدا هههههههههههههههههههههه | |
|