اغنيه وطنيه* جامده*

الصبر لما يطول لازم يكون له حد
والشعب لما يقول كلامه يبقا جد
والأمه لمل تثور أعلى الجبال تنهد
لابد يجى اليوم تستعجلوش ع الرد
ديابه سعرانه للدم عطشانه
لادين ولا أمانه بين الشعوب تنعد
عصابة السفاح قتالة الأرواح
سيف الغدر دباح يغدر مايعرف حد
أيام عشناها غربه طويناها
سنين ماننساها قاسيه ومَره بجد
ياسبعه وستين حَزنك فى قلبى دفين
احنا زمان صابرين
الصبر طال وامتد
يا امة الأسلام
خطى بسرعه قوام
خطى خَطى قدام
واتخطى مره السد
يا امة التوحيد النصر جاينا أكيد
نصره فى يوم العيد
عود البطل يشتد
عشنا سنين طوال
غنينا مية موال
الغنوه راح تنقال تنقال فى ساعة الجد
أكتوبر الغالى دايما على بالى
احلوى يا ليالى نَور ياعود الورد
لازم ندمرهم فى الأرض ندفنهم
يوم الخلاص منهم
تروق وتحلى بجد





إنتى المُنا
وإنتى الغُتا فى الدندنه
وانتى حكاوى العُمر
ترسم سكة المشاوير
وانتى الهوا علّلا
كما العصافير
إنتى ضمير الكون
والتكوين .
أنا بيكى أنا فيكى أنا ليكى
هعيش عُمرى
مش بإيدى ولا بإمرى
أنا منك
أنا مرسوم على فنك
وأنتى صوره مرسومه
ما تتغيرش .
وأنتى الدفا وحضن الوفا
وانتى الفرش .
أنا المهموم بأوجاعك
انا دراعك فى ساعة
شدة ما أتأخر
أنا مقدرش على بعُدك
مليش بعدك وطن تانى